СУМЫН ТАНИЛЦУУЛГА
1925 онд Дарьгангын таван гар сүрэгтэн хошууг 18 сум болгон зохион байгуулахад Цогбаян /Халзан/ сум байгуулагдсан. 1224 метр өндөр Шарга уул, 1100 метр өндөр Цагаан овоо, Дэмбэрэл, Шовдол, Баян-Уул зэрэг уултай, намхан ухаа толгод бүхий нутагтай. Сумын хамгийн нам цэг нь Өөшийн их цагаан нуур далайн түвшнээс дээш 860 метрт оршино. Нутгийн ихэнхийг Салхит, Шүүт, Сайншанд, Хужиршанд, Хатавч, Халзаншанд, Чандмань, Өөш морин хошуу зэрэг тал хөндий, цав толгод эзэлдэг.
Халзан сумаас Хөдөлмөрийн баатар 3, төрийн шагналтан 2, ардын цолтон 3, гавьяат цолтон 9, улсын аварга малчин 7, улсын сайн малчин 2, улсын манлай уяач 1, улсын алдарт уяач 4, аймгийн алдарт уяач 9, төр нийгмийн зүтгэлтэн 9 хүн төржээ. Халзан сум эрдэмтэн, докторуудын тоогоор аймагтаа тэргүүлдэг.
СУМЫН СТАТИСТИК
Хүн ам
Мал сүрэг
Баг
Газар нутаг
Халзан сум нь Сүхбаатар аймгийн төв хэсэгт Сүхбаатар, Уулбаян, Баяндэлгэр, Онгон, Асгат, сумтай хиллэдэг. Аймгийн нутгийн 4,6 буюу 379752 га талбайг эзлэн оршдог. Улаанбаатар хотоос 561 км аймгийн төвөөс 65 км зайд байрладаг. Далайн төвшнээс дээш 1100 м өндөрлөг газарт Цагаан овоо, хамгийн нам дор газарт Өөшийн цагаан нуур 860 метрт оршдог.Ашигт малтмал нь бага судлагдсан боловч гянт, болд, зэс молибден, төмрийн хүдрийн илэрцүүд байдаг. Сумын нутаг бүхэлдээ хээрийн бүсэд багтдаг. Нутгийн ихэнхийг хазаар өвс хялгана, агь, голлосон хээр тал эзлэх бөгөөд мөн таана хөмөл, дэрс, бударгана, зэрлэг сонгино, хайлаас, тэмээн хөх, чихэр өвс ургадаг.